أكثر من متجر بسلة وحدة
تضيف من محل بالشورجة ومحل بالسنك ومحل بالباب الشرقي، وتطلبهم كلهم بطلب واحد وتوصيلة وحدة.
أسواق بغداد · من الباب للباب
كل أسواق بغداد
بتطبيق واحد
تسوّق من محلات الشورجة والسنك والباب الشرقي والسعدون وشارع الرشيد وانت ببيتك. اطلب من أكثر من محل بنفس الطلب، والدفع عند الاستلام.
- مجاني
- تتصفح بدون حساب
- يشتغل على الآيفون من المتصفح
الشورجة•السنك•الباب الشرقي•السعدون•شارع الرشيد
ثلاث خطوات
شلون تطلب؟
- 1
دوّر واختار
من كل محلات الأسواق، بالاسم أو الصورة أو القسم.
- 2
حطهم بسلة وحدة
من أكثر من محل، وتشوف أجرة التوصيل قبل ما تأكد.
- 3
يوصلك لباب البيت
المندوب يجمع طلبك من المحلات ويوصله، وتدفع عند الاستلام.
ليش سوبر باب
كل شي تحتاجه حتى تتسوّق من السوق وانت ببيتك
دوّر بالصورة أو بالصوت
صوّر الغرض أو قول اسمه، والتطبيق يلكالك المحلات اللي عدها نفسه أو شبهه.
«اطلبه من السوق»
ما لكيت الغرض؟ اكتبه أو صوّره، ونسألك عن التفاصيل الناقصة، وفريقنا يدورلك عليه ويرجعلك بالسعر.
سعر الجملة
كلما تزيد العدد ينزل السعر، والتطبيق يكلك «باقيلك 3 قطع وتدخل بسعر الجملة».
عروض اليوم
خصومات المحلات كل يوم بمكان واحد، ومنتجات توصيلها مجاني.
انزل للسوق
شوف محلات الباب الشرقي والسنك والشورجة على الخريطة، وادخل للمحل اللي يعجبك.
احجي ويه المحل
اسأل عن اللون والقياس والتوفر قبل ما تطلب، وتابع طلبك خطوة بخطوة لحد الباب.
سوق المستعمل
بيع غراضك المستعملة أو اشتري مستعمل بحالة زينة من ناس ببغداد.
نقاط على كل طلب
تجمع نقاط من طلباتك وتستفاد منها بطلباتك الجاية.
من الباب للباب
من باب المحل… لباب بيتك
المندوب يجمع غراضك من كل المحلات اللي طلبت منها، ويجيبها بتوصيلة وحدة. تتابع وين صار طلبك بالتطبيق، وتدفع لما يوصلك.
عندك محل؟ خلّي كل بغداد تشوفه
- تعرض بضاعتك وتستلم الطلبات من موبايلك
- أضف منتجاتك بالصورة، والتطبيق يكتب الاسم والوصف
- سعر جملة، عروض اليوم، وترويج لمتجرك
- رابط و QR لمتجرك تنشره بالواتساب والانستا
- موظفين بصلاحيات، مخزن، وكشف حساب واضح
تريد تشتغل ويانا مندوب توصيل؟
إذا عندك ماطور أو سيارة وتعرف شوارع بغداد، دزلنا رسالة وراح نتواصل وياك.
عندك سؤال؟
أسئلة تتكرر
شكد أجرة التوصيل؟
حسب عدد المحلات اللي بطلبك، وتطلعلك الأجرة كاملة قبل ما تأكد الطلب. وأكو منتجات توصيلها مجاني.
شلون أدفع؟
نقداً عند الاستلام. تشوف غرضك ويوصلك وبعدين تدفع.
وين توصلون؟
داخل بغداد. وعادةً يوصلك بنفس اليوم أو اليوم الثاني.
عندي آيفون، شلون أستخدمه؟
افتح سوبر باب بالمتصفح من زر «افتح بالمتصفح». نفس التطبيق بالضبط: تدوّر وتطلب وتتابع طلبك. وتكدر تضيفه للشاشة الرئيسية من زر المشاركة.
لازم أسوي حساب حتى أتصفح؟
لا، تتصفح المحلات والمنتجات بدون حساب. الحساب برقم موبايلك تحتاجه بس لما تطلب.
عندي محل، شلون أنضم؟
نزّل التطبيق وسجّل متجرك من نفس التطبيق. نراجع المتجر ونفعّله، وتبدي تستلم طلبات.
جرّب سوبر باب هسه
نزّله على الأندرويد، أو افتحه بالمتصفح بدون تنزيل.